По благословению Местоблюстителя Киевской митрополичей кафедры митрополита Черновицкого и Буковинского Онуфрия во всех монастырях и приходах Украинской Православной Церкви ежедневно на каждой Божественной литургии будут оглашаться особые прошения об избрании будущего Предстоятеля нашей Церкви, подготовленные Синодальной Литургической комиссией УПЦ. Эта сугубая молитва будет звучать до окончания работы Собора епископов УПЦ, который состоится 13 августа сего года в Киеве.
Особые прошения на сугубой ектении об избрании на предстоящем Соборе епископов достойного Предстоятеля Украинской Православной Церкви
Еще молимся о еже Господу Богу благословити грядущий собор архипастырей, яко да в мире и единомыслии утвердитися всем, достойнаго же Первоиерарха совершити избрание, мужа мудра, праведна и благорассудительна, рцем вси: Господи, услыши и помилуй
Еще молимся Пастыреначальнику Господу Иисусу Христу, яко да оградит предстоящий собор архипастырей от всяких соблазнов, разделений и разномыслий, да подаст мудрость и разум ко избранию добраго пастыря в Первоиерарха Церкве нашея, рцем вси: Господи, услыши и помилуй
Еще молимся о еже дароватися собору архипастырей духу премудрости и разума, духу страха Божия и ревности по славе Господней, да в любви пребудут и тако да совершат устроение Церкве по воле Божией святой и всесовершенной, рцем вси: Господи, услыши и помилуй
Еще молимся о еже Всеблагому Творцу милостиво призрети на Церковь Свою Святую, и сохранити ю в мире и единомыслии, утвердити, укрепити и умирити, и непоколебиму адовыми вратами во веки сохранити, яко да не безплодно пребудет спасительное сеяние веры, приятое праотцами нашими, но да принесет, якоже и древле, плод красный святости, рцем вси: Господи, услыши и помилуй
Еще молимся Господу о еже дароватися избранному Первоиерарху мудрости святителя Илариона, милосердию святителя Филарета, мужеству священномученика Владимира, и всем добродетелям бывших прежде святых мужей, яко да и сей украсит престол митрополитов Киевских правостию веры, чистотою жизни и мудростию правления и да будет пастырь добрый людем Божиим, рцем вси: Господи, услыши и милостивно помилуй.
Пресс-служба Днепропетровской епархии
